獨家丨林珊珊連會兩男歎Tea好好傾去開一間餐廳就經常去

2022-03-25 23:00

58歲的林珊珊多年來擔任經理人工作，以為佢湊旗下的鄭伊健、草蜢等藝人，好似過住半退休生活，事實上她仲要經營YouTube頻道，最近更要兼顧埋草蜢的channel，一日24小時都未必夠用。日前分別兩日喺又一城見到佢約兩位朋友見面，而且都幾專一，兩日都係幫襯同一間餐廳，一個月內起碼幫襯兩次，似乎是熟客。採訪：譚壹致

林珊珊講嘢時表情多多。

動作都好多。

臨走前，林珊珊同職員傾了幾句，估計她是該店熟客。

之前記者見到林珊珊與男友人現身又一城，當日4時左右，兩人到一間泰國餐廳歎下午茶，佢哋揀選開揚位置坐低，叫嘢食前後都好多嘢傾。林珊珊最初只負責聽朋友傾訴，其後也有畀意見，見她講到有點激動，一時嘟嘴、一時又皺眉，睇嚟傾啲麻煩嘢。二人傾了約一個多小時，林珊珊去商場的洗手間，行出餐廳的她，一身打扮相當少女，穿上恤衫襯寬身啡色褲及波鞋，加上紮鬢辮，即時減齡，而她折返餐廳後，二人便埋單離開。林珊珊原先想付款，但男友人比她先拎出銀包，兩人講了幾句，就由男方結帳，之後結伴行落兩層就分頭離開。

林珊珊與友人繼續邊行邊傾。

林珊珊離開商場時，經天橋行往森麻實道。

講到手舞足蹈

而另一日，林珊珊現身同一間餐廳，不過今次就與另一男友人見面，今次珊珊不再是聆聽者，反而好多口水，見她全程做主導講不停，而同枱的男友人就一直聆聽，只是間中答兩句。二人同樣逗留約個零鐘就準備離開，而林珊珊邊行繼續邊講，而且講到手舞足蹈，發表不少偉論。當日其打扮就以運動Look較隨性，而與男友人更是襯晒色，都是淺灰打扮，不過男方手上拎着一疊好似文件及記事簿的物件，估計二人是工作需要，邊歎茶邊講公事。