李施嬅唱作《金宵大廈2》插曲 入錄音室連環遇怪事要過三關
2022-03-28 20:00 
即將播出的《金宵大廈2》，不論一眾電視迷定係各演員都好期待，李施嬅亦因《金宵2》的角色令她有好深刻情感及好大感覺。所以就首次當上作曲人，亦出了個人第一首單曲作品《相愛萬年》。她受訪時表示：「《相愛萬年》首歌係同我表妹一齊寫嘅，佢諗住《金宵大廈》第一集嘅愛情故事去創作，而我就諗住《金宵大廈2》。 所以《相愛萬年》對我而言不只是一首情歌，亦代表我在《金宵2》入面的片段、情感同渴望，係我投入角色時親身的感受。
李施嬅自創的歌曲為《金宵2》其中一首插曲，她直言是一份緣份：「《今宵多珍重》呢首經典主題曲，我自己都好鍾意，所以冇諗過可以將自己隻歌放入劇入面。但寫完隻歌之後，聽到監製原來搵緊一隻歌做劇集插曲。我就隨意咁哼咗幾句畀佢聽，點知佢覺得好適合，咁就順理成章變成劇入面其中一首歌。」
不過， 跟《金宵》有關，似乎都會有好多奇奇怪怪的事情發現，灌錄《相愛萬年》時也不例外。施嬅續說：「由第一次錄音，我因為突然失聲而錄唔到。到第二次錄音，錄音室樓上裝修所以錄唔到。第三次錄音，我哋嘅唱片監製Davy 無端端入咗醫院，聽到都有啲心寒。好彩到第四次終於再冇問題啦，講笑咁講，感覺上好似《金宵大廈》喺度試緊我哋嘅誠意，入門要過三關。但好感恩大家都好有心好堅持去做好呢隻歌，希望大家可以透過呢首歌而對劇集有更深既感受。」
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
最新回應