葉蒨文不忿與鍾培生傳緋聞激罕晒拍拖4年男友合照證清白

2022-04-04 18:15

袁嘉敏日前在社交網力數鍾培生及鍾父是人渣，事後鍾培生開腔反擊，二人隔空互數展開一場「鍾袁罵戰」。今日（4日）有消息指袁嘉敏因不滿鍾培生與《愛．回家》的「島大Candy」葉蒨文過從甚密，慘被冷落，一怒之下決定爆大鑊。

今天葉蒨文於社交網大晒與拍拖4年圈外男友「啤梨仔」的合照，並撰長文表示並不介意花生新聞，不過當日是他與男友的拍拖四周年紀念日，她寫道：「做呢行預咗，當比觀眾發洩同娛樂嘅渠道都係一種義工，我都算啦…但琴（噚）日星期日，我同我男朋友正值慶祝緊四周年紀念，雖然下個星期先係正日，但係難得星期日佢得閒唔使返工我哋一齊慶祝，食緊午飯嘅時候有記者不斷打電話發訊息給我，我講咗唔得閒都繼續問，回應咗兩句，我話繼續慶祝都再問電話不斷響，都幾掃興，我係咁同男朋友講：唔好意思啊破壞晒個氣氛，佢仲調返轉頭安慰我。」

葉蒨文捲入「鍾袁」三角關係。

晒與拍拖4年的男友啤梨仔合照。

有指鍾培生與葉蒨文密會，激嬲袁嘉敏。

袁嘉敏指與鍾培生「再見不是朋友」不是為女人。

葉蒨文又感謝身邊朋友，及男友4年來的支持：「謝謝你啤梨仔，很另類的四周年，經歷咗好多嘢，過往一兩年感恩面對逆境，面對咁樣嘅社會氣氛，我都有你係我身邊，對於我哋來講最難過嘅關早半年前已經過咗，今次只不過係一件小事，我哋將會更加堅固，多謝所有親朋好友，關心我哋嘅人，我很好，我們很好，我收到好多訊息，你哋有心啦。#給愛我的所有人 #謝謝你們」。