李璨琛囡囡李元元邊冲涼邊唱歌 Lucy媽：最後沖到皺皮

李璨琛（Sam）和老婆梁志瑩的4歲囡囡李元元（Lucy）精靈活潑，相當搞笑。Lucy媽最近喺社交網貼出Lucy着住泳衣冲涼嘅出浴相及片段，片中見Lucy邊玩玩具邊唱歌，十分投入enjoy。Lucy媽忍唔住爆囡囡日日喺屋企做得最多就係唱歌，仲唱到入廁所。而Lucy因為怕醜，要着住泳衣沖涼，因為唱得太耐，最後沖到皺皮。

 

4歲李元元怕醜要着泳衣沖。

李元元好好歌喉。

 

Lucy媽寫道：「佢日日喺屋企，做得最多就係唱歌，基本上佢嘅歌聲真係繞樑三日，今次唱到入廁所，個出水芙蓉最近迷上咗首新歌，成日一路唱一路玩bath toy，沖成粒鐘都未出嚟。」

 

邊玩邊唱好enjoy。

 

Lucy媽又說：「有研究顯示話沖住涼唱歌會好聽啲，佢應該都覺得自己唱得幾好聽，你哋又點睇？順帶一問，有無人有興趣幫佢出唱片？佢應該會爆紅（我心諗）。#明明沖涼又要著泳衣 #人哋怕醜呀 #趁青春留倩影 #最後沖到皺皮。」

 

Lucy媽想捧囡囡做小歌星。

 

更多第5波疫情資訊，請到以下專頁瀏覽（按此）

立即下載 | 全新《星島頭條》APP : https://bit.ly/3yLrgYZ