G風暴丨張智霖帶宣萱逃離爆炸太空館 演員感恩電影再上映

《G風暴》 於去年除夕上映六日後，戲院因疫情而需要停業，相隔接近四個月後戲院終於重開，《G風暴》亦於今日再度公映，戲中一眾演員都相當感恩，電影能再度與觀眾見面。

作為反貪風暴系列最終章，《G風暴》 的製作愈見揼本，結尾炸太空館部份令觀眾睇得非常過癮，飾演G4的張智霖（Chilam）需要帶領宣萱（Jessica）、陳庭欣（Toby）及劉浩龍等從爆炸現場驚險逃生，各演員都滿臉灰塵喪跑，相當狼狽！

 

眾人逃離爆炸現場。

 

Chilam表示相隔多年未有跟Jessica合作，但再次碰面都很慶幸大家仍是好狀態：「同Jessica好似噚日合作完咁，再合作無太大分別，當然佢而家演技更加成熟，亦都見到佢喺現場好認真，希望每一句對白、每一個鏡頭都能夠做到最好，係好有實力嘅演員！」Jessica就稱整個G4團隊大家都合作得非常開心，鏡頭後都會聊天、開玩笑，氣氛非常好。

 

張智霖讚好宣萱。

 

同樣飾演G4的Toby亦拍攝得相當落力，需要化上血妝及赤腳在凹凸不平的地面逃跑，事前Toby已做好安全措施，黐膠布在腳底保護雙腳，她笑稱：「跑完之後師兄（劉浩龍）就要放開我捉返夏嫣，我就撻咗喺欄邊，自己要就位攤好，好彩最後拍咗幾個鏡頭就順利完成！」
 

陳庭欣拍攝前黐膠布喺腳底保護雙腳。

 

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ