C朗Po全家福報平安 微笑手抱新生女嬰多謝祝福

本周二，球星基斯坦奴朗拿度（C朗）出PO宣佈與女友洛迪古絲（Georgina Rodriguez）的龍鳳胎男嬰出生時夭折，因為要陪伴及照顧在醫院中的洛迪古絲，缺席對利物浦的英超雙紅會。全球球迷都替C朗難過，就連紅軍球迷也在比賽中向C朗送上支持，高唱會歌《You'll Never Walk Alone》，球迷的好意C朗全部收到晒，佢仲喺IG上載一條短片答謝利迷。

 

C朗出PO宣佈女友洛迪古絲的龍鳳胎男嬰出生時夭折。

 

紅軍球迷送上支持。

 

C朗表示感謝。

 

C朗女友於英國時間昨日下午已出院，她跟C朗分別在IG上載了七人全家福報平安，C朗手抱新生女嬰及攬住同女友生的囡囡Alana Martina，而洛迪古絲就攬抱17年由代母誕下的龍鳳胎囝囝，身旁就係C朗大仔及代母誕下的龍鳳胎囡囡。

 

手抱新生BB女的C朗終於有啲笑容。

 

C朗嫂係靚靚大肚婆。

 

C朗寫道：「返到甜蜜嘅屋企。Georgina 及初生女兒同我哋團聚。我哋想多謝所有人嘅祝福。你哋嘅支持非常重要，感受到你哋對我嘅家人嘅愛及尊重，為我哋帶嚟呢個世界嘅新生命而感恩。」曼聯隊友拉舒福特及費特洛迪古斯都有留心心Emoji支持佢。

 

更多第5波疫情資訊，請到以下專頁瀏覽（按此

立即下載｜全新《星島頭條》APP：https://bit.ly/3yLrgYZ