Juicy叮｜主題樂園疑現偷BB車慣犯 港媽喝止：佢就推走另一架

出外時須小心保管個人財物，一名港媽於社交平台發文指，與友人帶小朋友到主題樂園遊玩，放下嬰兒車前往排隊時，竟遭一名陌生男子推走嬰兒車，幸最後力保不失，她更質疑男子是偷車慣犯，故呼籲家長必須要帶上車鎖保障財物。

該名港媽於facebook群組發文指，近日與友人帶小孩到主題樂園遊玩，並攜帶嬰兒車一起進園，「我哋排緊隊，已經講緊驚俾人偷車」。當時樓主於遊樂設施排隊時，竟發現一名陌生男子推走其嬰兒車，她與友人立即叫停，惟對方卻未有理會，「扮聽唔到」。樓主情急之下只好再大聲喝止，男子聞言才停下動作，「佢sorry都無就推咗另一架」。

事發後，樓主愈想愈感奇怪，稱兩架嬰兒車的顏色截然不同，「成家人都會認錯架車」。她又指當時周圍的遊客亦目擊事件，惟男子及同行家人竟沒有理會喝止，「成家人當無嘢，聽唔到我講嘢咁，唔好意思都無，當無事發生推另一架車走人」。

港媽指在主題樂園內遭陌生男推走BB車。網民Fanki Tse圖片

樓主直言，原本以為男子一時認錯嬰兒車，惟對方形跡可疑，令她不禁懷疑自己遇上偷車慣犯，「坐上車嗰個小朋友起碼都已經4歲以上，正常都會認得自己架車」，更質疑男子借機偷走另一輛嬰兒車「佢推走嗰架，都唔知係咪佢，我好後悔無追出去」。

樓主形容「見過鬼怕黑」，並提醒一眾家長日後到主題樂園遊玩時須帶同車鎖，「唔發生喺自己身上真係未必信咁多人偷車，大家一定一定要帶鎖」。

港媽提醒家長日後到主題樂園遊玩時須帶同車鎖。資料圖片

事件引起一眾網民嘩然，有網民直言事件猖狂，「次次入園都無鎖，見大家都係就咁擺埋一邊，唔睇都唔知原來會有人偷車」、「大家都買返個鎖先，如果唔係我哋啲BB車就全部喺拍賣網再見」！

香港迪士尼發言人就事件作回應，表示一向重視保障賓客的安全及財物， 設有專業的保安團隊，維持度假區的治安和秩序。有需要時會與執法部門合作和溝通。賓客如有需要，可向演藝人員求助。
 

資料來源：網民Fanki Tse

立即下載 | 全新《星島頭條》APP : https://bit.ly/3yLrgYZ