Edan炒底影姜濤AL鼻哥窿 MIRROR呼籲歌迷以正途買飛

MIRROR各成員向來感情要好，12子不時於社交網互貼黑圖整蠱對方，當中「搞笑擔當」的呂爵安（Edan)更是零偶包。昨晚(28日） Edan便在社交平台貼出一條短片，片中他以另類新角度影著MIRROR 演唱會的海報，大玩低炒影鼻哥窿，他先影著自己的照片，並奸笑表示：「嘩，邊位呀呢個？」其後旁邊傳來疑似姜濤的聲音，百厭仔姜濤當然唔會放過任何有得玩嘅機會，他即叫Edan ：「你試吓影Anson Lo有冇你呢個效果」，接著Edan 再影姜濤更表示：「太高呀 要zoom 近佢」非常搞笑。

 

MIRROR演唱會原本都係靚靚仔仔嘅。

Edan超貪玩，用另類角度拍攝。

個鼻窿又好似大咗少少....

 

Edan自認玩命，叫姜糖唔好鬧佢。

教主都係咁靚仔。

 

其後Edan留言寫道： 「用新角度欣賞Poster，有冇試過低炒poster？包保即刻變靚仔！@ansonlht @keung_show #玩命post #姜糖神徒唔好鬧我 #教主都仲係咁靚仔 #姜哥直情冇乜分別 #因為….. #一直在玩命」剛出任新公司CEO的魯生見狀則搞笑tag花姐，並下令：「下次個MV，請根據呂生呢種偏好嘅art direction拍佢」，Edan即秒回求饒：「對唔住魯生，小的只是玩玩而已，恕求從輕發落。（今鋪真係玩命）」不少鏡粉（粉絲暱稱）都紛紛留言表示：「留名睇Anson Lo 姜濤反擊」，更叫Edan : 「呂爵安請你帶好偶包」。

 

魯生開聲，Edan即刻求從輕發落。

 

網站一早就大塞車。

MIRROR紅館演唱會，可謂一票難求。

MIRROR呼籲歌迷以正途購買門票。

 

傳黃牛炒價6萬元

另外，MIRROR的紅館演唱會將於7月舉行，今日（29日）有信用卡公司舉行客戶優先預訂演唱會門票，但網站一早就出現大塞車，未夠2小時已火速售罄。一票難求，大批「鏡粉」及「前夫」因未能順利登入，強列要求設立實名制購票。

雖然門票還未正式公開發售，但全城已掀起撲飛潮，有傳已有黃牛開價6萬元，非常誇張。MIRROR官方社交網今早亦貼文，呼籲歌迷以正途購買門票，勿被騙徒有機可乘。MIRROR表示︰「感謝大家對MIRROR的厚愛，了解到近日有不法之徒聲稱已有演唱會門票出售，我們在這裏作出呼籲，千萬千萬別被騙徒有機可乘，希望大家以正途購買門票，感謝大家耐心等候。期待與各位一起分享我們第一次的紅館演出。」

 

更多第5波疫情資訊，請到以下專頁瀏覽按此  

立即下載 | 全新《星島頭條》APP : https://bit.ly/3yLrgYZ