OPM丨湯洛雯預告有激情戲 最想燒晒劇中低胸性感衫
2022-04-29 15:00 
湯洛雯（靚湯）、黃庭鋒、張寶兒、孫慧雪等今日到電視城出席myTV SUPER 6周年原創劇《OPM》記者會，靚湯和庭鋒曾在《雙生陌生人》中合作，男方演馬德鐘年輕版，而今次二人是男女主角，靚湯形容是新配搭，會有感情線，以曖昧及友情為主。
庭鋒今次為劇集首次做男一，他直言感到壓力，有劇本開始便緊張了半個月，也有很多情感戲大爆發。靚湯對於庭鋒的演出大讚犀利，她說：「我知道佢係主持出身，所以喺記稿方面非常犀利，記對白嘅功力好勁，我對於金融主題係完全唔識，佢就由零開始教曉我，好似一本教科書，畀到好多信心同說服力。」庭鋒笑言，本身對於金融題材同樣一竅不通：「金融我一樣完全唔識，監製話想搵一個唔識得金融嘅人，我係完全符合，同角色一樣慢慢學，好似上咗一堂經濟課。」
靚湯指今次要演媽媽，提到由靚女變師奶，她表示：「原本係大學生，點知同黃嘉樂曳曳做咗媽咪被逼結婚，後來想追返湊小朋友失去嘅時間，角色投入好多女性想法。（做媽咪難嗎？）其實好少做媽咪嘅情節，不過演媽咪反而舒服，記金融術語好難。」庭鋒更透露靚湯與黃子恆在梳化上演激情戲，她聞言即表示不敢睇，問是否不敢讓男友馬國明睇？她笑說：「我自己都唔知場戲出嚟係點，我有提過有一場咁嘅戲，相信佢唔太在意，套劇都需要著低胸衫，我好怕會走光，因為要晒事業線，拍完都想燒晒啲衫！」
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
最新回應