阿儀38歲生日收經理人1880蚊靚花 一早訂蛋糕送畀自己

上周六（4月30日）係姜濤嘅23歲生日，當日喺銅鑼灣有幾墟冚都唔使再講，FB同IG瘋狂被洗版，一個偶像嘅生日變咗盛事，真係好誇張。

今日都有明星生日呀，咪就係「亞視一姐」阿儀囉，38歲嘅佢收到經理人送贈，價值$1880嘅氣球鮮花，唔知點解阿儀會知價錢啦，知仲要講出嚟都真係好怪，不過阿儀就係賣奇怪，都明嘅。

 

阿儀收到經理人送嘅花。

 

經理人林寶玉好照顧阿儀。

 

再碌阿儀IG，發覺佢4月23日已經訂咗個一磅雜果蛋糕畀自己，取餅日期係4月30日，張單好彩寫住要有字牌，仲要寫住「Yingyi 38歲生日快樂」，唔係真係以為佢訂嚟送畀姜濤呀，自己5月2日生日，但個蛋糕就早兩日拎，阿儀可唔可以話我知點解呀?

 

阿儀喺4月23日已經訂咗蛋糕畀自己。

 

4月30日蛋糕已經到手。

 

阿儀仲買咗個袋畀自己做生日禮物。

 

仲有呢條裙，好抵呀180蚊咋。

 

見網上有人為阿儀買咗燈箱廣告，但完全冇人講得出個廣告喺咩位置，原來係改圖，阿儀生日快樂呀，可唔可以唱生日歌畀你聽呀？

 

虛擬賀壽燈箱。

 

更多第5波疫情資訊，請到以下專頁瀏覽按此

立即下載 | 全新《星島頭條》APP : https://bit.ly/3yLrgYZ