雙生陌生人丨馬德鐘罕有演喜劇獲好評湯洛雯每出場必有女神風

2022-05-07 16:15

TVB新劇《雙生陌生人》開播一星期，劇中馬德鐘要一人分飾高收成及巫祺男兩個角色，甚至拍喜劇的他被讚有喜感，而且演技游刃有餘，網民都大讚他將兩個角色演得好分明。

馬德鐘一人分飾兩角。

馬德鐘被讚有喜感。

至於劇中與馬德鐘有不少對手戲的賴慰玲，飾演愛好研究神秘學、鬼主意多多的夏纖纖，馬德鐘都封她為搞笑擔當，而她於劇中的表現的確夠放兼有驚喜，賴慰玲回應時坦言甚少演喜劇，並謂拍好喜劇心得是最緊要好玩：「要演員玩得開心，觀眾先會睇得開心。所以今次整個拍攝，都係喺一個輕鬆狀態下進行。」賴慰玲拋金句形容演繹不同類型角色的心理狀態：「悲正劇要花力量去找陰暗面，攰得嚟又會好爽。喜劇就要花好多力量去玩，爽得來又會好攰！」

賴慰玲於劇中與馬德鐘有不少對手戲。

賴慰玲於劇中表現夠放兼有驚喜。

而飾演高收成前度俞風的湯洛雯（靚湯），角色善良又長情，十分討好；而她與徐榮主理的「農場線」，亦獲網民大讚輕鬆又好睇。不少網民發現，靚湯每次出場都必定伴隨着一股女神風，對此監製林志華（阿Lam）笑言背後有段故：「因為個角色本身有仙氣嘛，靚湯都有呢種特質，我哋只係將佢更突出，拍靚女演員係我哋基本責任。我哋主要係參考靚湯之前拍嘅某個廣告，好靚好飄逸嘅，大家可以估吓係邊個。」阿Lam又指為力求完美，除了有些場口要重拍外，靚湯更主動爭取時間為角色做最好準備：「佢差不多係全劇最後先拍，佢話想多啲時間準備。靚湯其實除咗靚，仲好話頭醒尾，佢今次係門面擔當之餘，仲會有好多突破，大家睇落去就會知。」靚湯則笑言很滿意自己在劇中的出場，並坦言有為了演好角色努力減肥：「因為監製想要女神Feel，所以喺揀衫、造型、髮型同化妝方面，我哋事前都研究咗好耐同埋花咗啲心思。」