謝婷婷感恩能成為媽媽罕晒母女照 3歲Sara可愛樣曝光

2022-05-09 19:30

現年39歲的謝婷婷於2019年秘密產女，只透露囡囡叫Sara，對孩子的爸爸封口不提，外界估計可能是「鷹眼」謝洛美維納、或謝婷婷過去在溫哥華念書時認識的富豪公子男友，但婷婷對此從未回應。

身在外地的婷婷今日激罕在社交網上載與囡囡的生活照，趁母親節感恩自己能成為Sara的媽媽，以英文寫著：「Your little heart is bigger than anything I know.Everyday you make mine bigger.Thank you for making me your Mama.（我知道你的小心臟比任何事情都要強大，每天你讓我變得更巨大。謝謝你讓我成為你的媽媽）#happymothersday #luckiestmama」。

Sara餵媽咪食嘢，婷婷一定甜在心。

唔經唔覺，Sara已經3歲，婷婷一直未有透露女兒爸爸係邊個。

只係遮住對眼，見到Sara都係一個小美人，好可愛。

好陽光呀！

梳個母女髮型，好得意。

囡囡似乎都好喜歡海洋。

母親節同埋一班朋友慶祝。

婷婷向來好保護女兒，過去只有手仔腳仔相，去年母親節曾上載一張囡囡正面照，但用好大個蘋果遮樣。而今次婷婷連發多張與囡囡合照，見3歲大的Sara手腳好長，擁有黑色頭髮；其中一張母女臉貼臉的大頭照，見Sara皮膚白白，下巴尖尖、鼻子高高，雖然用太陽眼鏡遮住雙眼，但仍是一個小美人胚子，笑容甜美可愛。婷婷好鍾意帶囡囡戶外活動，看看花田、游水、坐船、睇水族館等，似乎特別喜歡水上活動，而母親節亦與朋友相聚，生活過得很充實。