Jer望新歌助柳柳粉抒發離別的情緒 以貼地方法演繹令大眾有共鳴

MIRROR中的「唱歌擔當」柳應廷（Jer），早前推出新歌《離別的規矩》，今次曲風卸棄以往澎湃的編曲與唱法，以最貼近樂迷耳朵的演繹，分享一場傷痛的經歷。對於今次唱腔明顯不同，Jer表示：「今次吳林峰寫咗一首有啲Un嘅舞曲，但我要用慢版嘅方式去演繹，對我嚟講係一個新挑戰，想好似細細聲喺你耳邊講嘢的方式唱出嚟，係唱法上嘅第一次轉變，希望大家聽後有共鳴、有感觸；大家近年面對最多的情緒就是離別，好想透過歌曲與大家一同呼吸，這首歌可以成為一個救生出口，大家聽完可以舒服啲，有啲情感可以抒發到。」

 

之前Jer的《MM7》風格十分瘋狂。

 

Jer今次改以好似跟人在耳邊傾偈的方法演唱。

此外，Jer今次對編曲亦有特別要求：「今次我想少啲（簡約啲），因為過去啲歌都比較澎湃，好多樂器，但今次你會發現頭半段主要係人聲為主，然後就只有結他同琴，呢個都是想做返一首『貼地』啲嘅歌，貼近返歌曲想講嘅人與人之間嘅關係，所以唔使用太多樂器，拉近返個距離。細心留意的話，會發現今次編曲上其實仲加入了中式樂器，例如笛同埋蕭，同西方的弦樂結合，得出咗好好嘅化學作用。」
 

Jer形容新歌較為「貼地」。

 

是MIRROR隊中的「唱歌擔當」。

 

新歌推出後得到很好的反應，Jer謙稱歌曲不止靠自己，編曲、作詞及MV拍攝缺一不可，望歌迷用心對待及留意每個單位的創作。此外，Jer早前又為某汽水飲品拍廣告，雖然過程中要擘大雙腳站立拍攝，但他卻懂得自得其樂，砌膠冰粒打發時間。

 

日前拍汽水廣告時，要擘開雙腳來企。

 

真係柳3歲，十足小朋友咁樣。

 

更多第5波疫情資訊，請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ