雷神奇俠4丨宙斯彈走雷神件衫變全裸嬲爆過癮首預告今日公開

2022-05-24 20:00

漫威新作《雷神奇俠4：愛與雷霆》將於7月6日在港上映，今日公開首預告。由男星基斯頓比爾飾演的奸角屠神者格爾（Gorr the God Butcher）終於登場，他是企圖消滅眾神的星際殺手；飾演宙斯的羅素高爾亦正面曝光。

基斯頓比爾飾演的奸角屠神者格爾。

羅素高爾飾演宙斯。

預告一開始，基斯咸士禾夫飾演的雷神，重遇「雷神鎚」，但鐵鎚已經唔聽佢支笛，新主人變成雷神舊愛Jane（妮妲莉寶雯飾），她化身「女雷神」讓雷神相當驚訝！二人聚舊時，Jane已忘記與雷神分手幾耐，以為只分手了3、4年，雷神即回應是「8年7個月6日」，場面惹笑。預告結尾好似電影彩蛋咁，講雷神被宙斯懲罰，宙斯一施法就彈走雷神啲衫變全裸，雷神大鬧離晒譜，更嚇暈多位希臘女神，不過坐埋一邊嘅女雷神及女武神就睇得好過癮，仲邊食提子邊話睇多陣先。