鄭欣宜胡子彤芒草原談情 小黑羊亂入MV成電燈泡

鄭欣宜（Joyce）將於下月在紅館舉行演唱會，日前推出新歌《我地》，邀請彭秀慧導演再為MV操刀，並由型男胡子彤擔任男主角，與Joyce飾演情侶。他們手拖手穿過森林和山谷，又在小芒草原奔跑，期間遇上一群小黑羊食草，更走近坐在草地上談情的Joyce和子彤，這班電燈泡變成臨時演員，令MV更添浪漫氣氛！

 

欣宜剛推出新歌《我地》。

MV展現感性一面。

 

甚少演愛情戲的Joyce說：「我唯一拍過有愛情戲份就係彭導電影《29＋1》，而上次拍MV有男主角都差不多十年前，今次邀請胡子彤演情侶可謂精挑細選。」身旁的子彤說：「好榮幸參演呢個史詩式愛情故事嘅MV，非常好玩，第一次跟彭導和Joyce合作，我本身好少拍MV，拍戲又無愛情線，所以特別期待我哋兩個都咁少拍愛情故事嘅人會擦出咩火花。」彭秀慧說：「第一次聽呢首歌已經好感動，好想拍成史詩式愛情故事，縱使有好多經歷和障礙，只要相信就有希望。」

 

欣宜同胡子彤難得有感情線，都有拖吓手仔。

現場有小黑草食草。

仲愈來愈多，好有趣。

二人喺小芒草原上奔跑。

 

拍完MV繼續做「男/女朋友」

此外，日前Joyce約埋子彤IG開直播睇MV首播，他們隔住螢光幕放閃，互嗌對方「男朋友」和「女朋友」，原來他們在MV拍攝現場就以男女朋友稱呼對方，Joyce透露：「今次MV拍咗兩日，第一日雖然子彤唔使埋位，但佢嚟咗探班，走嘅時候佢同我講：『女朋友，拜拜！』其實我哋只係見第二次面，好多謝佢咁投入MV角色，我當然嗌返佢『男朋友』啦！嘻嘻，講完都有啲面紅。」

 

 

拍完MV，都叫對方做「男/女朋友」。

 

 

更多新冠疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ