網傳女導師鬧喊2歲女童惹公憤 教育學家嬲爆：變態專家虐兒行為

教導兒童需要愛心，但近日一段懷疑涉及女導師喝罵幼童的短片在網上熱傳，片中的女導師多次喝罵年幼的女童，後者被嚇至大哭，女導師更疑將女童獨留房內，引起大批網民不滿，質疑片段中的女導師正在發洩情緒，有教育專家亦批評該名當事人的行為「嚴重失德反智」，應被列為「教育界嘅危險人物」。

教育專家呂詩慧早前在其Facebook專頁上載短片，包括多段事發時的片段，中間亦穿插呂詩慧的評論。其中一段女童坐在房間內，被女導師捉住雙手，然後深呼吸。

在另一段片段中，女導師態度嚴厲，要求女童站立時立正，「企好，我講咗唔好挨牆，講咗唔拍牆，講咗唔搖，講咗唔整條裙啦，唔玩！」女童雖然起初仍有扭動身體，其後則站在治療師面前，低頭不語，女導師繼續大聲喝罵「我嗌咗你五次！你企咗邊」，女童之後放聲大哭。她其後更表示：「我數10聲，收晒聲啦，你自己承受嘅結果嚟嘅，唔怪得人。戴返好個口罩！」女童情緒未有好轉，治療師其後離開房間，獨留女童在房內。

呂詩慧透露，影片由城中名人傳送給她，片段中的女童不足3歲，「有機會係SEN（有特殊教育需要）」。她質疑「呢啲係邊派嘅行為治療？根本就係變態專家嘅虐兒計畫？」、「這種嚴重失德反智和卑劣的行商手法在校長眼中等同一級謀殺，在外國已經被列入為『教育界嘅危險人物』。」

不少網民亦留言，認為「個導師首先要自己去做治療先，唔識教小朋友就唔好出嚟害人」，亦有人到懷疑涉事的言語治療中心社交媒體專頁反映意見，惟其後專頁已經關閉。

立即下載｜全新《星島頭條》APP：https://bit.ly/3yLrgYZ