少爺占抱愛犬出街撞到演藝界朋友被問：呢種係咪叫富貴狗呀？

2022-06-02 23:45

好多藝人都鍾意玩IG，同Fans Share生活日常，有啲藝人出Po好悶，貼一張靚相，寫一堆得佢自己先明嘅字，懶文青咁。有啲就個個Po都同廣告有關，太過銅臭味都唔好睇。推介吓少爺占嘅IG，疫情好嚴重時，佢隔日出煮食Po，實用性強，真係跟到㗎。一係出親子Po，或者同愛犬有關嘅 Po，文字簡單但有意思，幾好睇。

最新一個Po幾好笑嘅，真係好想Share，阿占話有單正嘢。
「同MiuMiu（即佢隻狗）出街食嘢，撞到好耐冇見嘅演藝界朋友，有以下嘅對話：

A: 喂，占，好耐冇見!
J: Hello!
A: 你隻狗好得意呀，呢種係咪叫富貴狗呀？
J: …….」

好多網民留言問演藝界朋友係邊個，其實講得嘅話阿占都講咗出嚟，重點係富貴狗三個字真係好好笑，同埋個hashtag #連MiuMiu都笑，暗示連隻狗都笑個演藝界朋友。