亞盃外│足總主辦免費睇波派對 下周3晚戲院撐香港隊

香港隊將在下周三(六月八日)晚上七時半迎接亞洲盃第三圈外圍賽首場鬥阿富汗，為了吸引球迷及廣收宣傳之效，足總特意租用銅鑼灣英皇戲院主辦睇波派對，現正公開接受球迷報名，先到先得，額滿即止。

今屆亞盃外由港台電視直播，足總乘勢出擊主辦睇波派對，在戲院內播放賽事，暫定有汽水及爆谷招呼球迷入場欣賞賽事，現場亦設有抽獎遊戲與眾同樂。現時派對正接受球迷網上報名，預計有一百五十個名額，採取先到先得方式。由於宣傳預算問題，睇波派對截至此刻只得一場。

港隊周五仍在大馬訓練，梁冠聰(左起)、謝家強及徐宏傑認真備戰。足總圖片

陳肇鈞(右)及杜馬思，周六凌晨隨港隊出發到印度備戰。 足總圖片

香港隊隊長黃洋。 足總圖片

 

上世紀電視足球直播仍未發達，香港曾經要在比賽事後在戲院觀看已剪輯成電影的片段，比如奧運會的片段，甚至試過賽事完成一年後才在香港戲院播放。一○年南非世界盃，當時戲院也有提供3D眼鏡讓球迷入場欣賞，不過當時門票索價三百元一張。

另一方面，香港隊在周六凌晨已經抵達印度，備戰亞盃外三場賽事。港隊分別在六月八日先鬥阿富汗、然後六月十一日對柬埔寨，最後是六月十四日對東道主印度。小組首名以及五支最佳次名，將拿到亞洲盃決賽周資格。

足總舉辦戲院睇波派對，招呼球迷入場。 足總圖片

 

HKFA 香港足球總會球迷睇波派對資料

日期：6月8日(周三)
時間：晚上7時開始
地點：銅鑼灣英皇戲院4號院

報名網址：https://bit.ly/3PZez4Z 

*名額有限，先報先得。參加者如成功報名，稍後將會有專人聯絡。

立即下載 | 全新《星島頭條》APP : https://bit.ly/3yLrgYZ