泳兒拖三師弟行山練耐力輪流做任務玩到腳軟

2022-06-05 08:00

泳兒近日帶領三位新人師弟黃明德（Dark）、黎展峯（Andy）及洪助昇（Aiden）在網上節目《新丁遊泳池》中挑戰各種任務，其中一項是行山練耐力，途中三位鮮肉每20分鐘要抽一次任務卡，最後由泳兒選出最有耐力的新丁，輸家則要接受懲罰。其間Aiden要手口並用地取悅師姐，即被泳兒質疑：「戴咗口罩笑唔笑都唔覺喎。」Andy則建議每人輪流唱泳兒歌曲的其中一句，唱不到就輸，要幫其他人拿所有東西，結果是自己成為輸家。

出發喇！

泳兒自娛。

泳兒對師弟的表現，唔知畀乜反應好。

到第二輪任務，Andy要用不同動物叫聲答問題，Dark則要做20下掌上壓，他搞笑地做到腳仔軟，其後進入山頂路段時更行到想嘔急「求救」。而最後一項挑戰，Andy的任務是到達終點前全程要講英文，Dark笑說：「你唔會再聽到佢講嘢㗎啦。」Dark卻抽到不停講爛gag或笑話給泳兒聽，他即發功：「我自從飲咗呢支嘢之後愈嚟愈矮，你知唔知點解？因為呢支粟米水簡稱係乜嘢？」泳兒答道：「粟水（縮水）？」然後爆笑，Dark就興奮大叫：「真係笑呀！真係笑呀！」泳兒解釋：「其實我笑點係有啲低嘅。」

最後泳兒選Dark做優勝者，她表示：「今集主題係『耐力』，睇佢個樣應該係堅持唔到，上到山中間仲要做掌上壓，呢個真係唔容易。」而最差是Andy，不過泳兒認為玩遊戲輸才是贏家：「因為輸就有懲罰，你嘅air time就多咗啦！」