獨家丨毛俊輝繼承仙姐將粵劇發揚光大展開三年劇藝研創計劃

2022-06-07 07:00

「戲劇大師」毛俊輝得到政府與賽馬會支持，展開了為期3年的《賽馬會毛俊輝劇藝研創計劃》，將研究與創作結合，培育新一代嘅創作人才。75歲嘅毛Sir自細就係戲迷，偶像是仙姐(白雪仙)，大讚對方唔止戲做得好，仲親自培育好多新一代粵劇演員，直至近年仍然落場做指導，好佩服她對藝術嘅追求。採訪：方騫平攝影：沈健程場地：祟正中學

毛Sir指劇藝研創計劃以研究為主，不會開班教學。

毛Sir同老婆胡美儀捧仙姐場。

在上海出生嘅毛俊輝從小與粵劇結緣：「由於父母都係戲迷，從小就跟雙親睇好多戲曲及廣東粵劇，自己都好鍾意表演。到咗10歲隨父母移居香港，校方曾向我父母提議，話可以做我監護人，等我留喺度繼續求學，直至12歲安排我上戲曲學校受訓，當時我咁細梗係唔捨得離開父母啦！估唔到今時今日返到粵劇舞台，係一個緣份。」

小時候毛Sir被上海戲曲學校睇中，想重點培訓他。

毛Sir同戲曲及粵劇好有淵源。

做到粵劇產業化發展

毛Sir發起嘅《賽馬會毛俊輝劇藝研創計劃》最大理想做到粵劇產業化發展，要做到大家非看不可，要係人都想睇，而唔係程式化去做一齣戲，去模仿舊嗰套：「𠵱家演出係停留喺原有階段及層次，所以做嚟做去都係唐滌生戲寶《帝女花》、《紫釵記》、《再世紅梅記》…咁樣重覆前人做嘅嘢唔會發展到落去。」

毛Sir希望做到粵劇產業化發展。

向來低調嘅劉青雲及郭藹明都去捧毛Sir場。

劉嘉玲、梁家輝和謝君豪曾主演由毛Sir執導嘅舞台劇《杜老誌》。

提到粵劇偶像，毛Sir都係仙姐迷：「講表演，其實仙姐好早已經了解到表演係需要好多層次，而非局限程式上。當佢退落嚟唔做戲時，佢就教導下一代點樣去搵呢啲嘢，呢啲係最有價值嘅嘢。」問到這3年計劃可會搵仙姐合作？他即笑說：「我唔敢打擾佢呀！日後有機會我都會向佢匯報，希望佢可以開心，我會繼承佢嘅追求及理想，喺我能力做到嘅嘢去努力。」