Naomi為謝霆鋒慶祝入行25年 緊記偶像叮囑唔好玩玩吓

馮鎵瀠（Naomi）昨日（7日）於IG分享與謝霆鋒的合照，原來她為賀偶像入行25周年，與其他Fans一同突襲畀個驚喜霆鋒。帖文中她自稱「元祖級老婆」，原來她小時候曾是霆鋒Fan Club一員，後來因入行做模特兒而退會，但她對霆鋒的愛和支持一直不減。

 

「元祖級老婆」Naomi為霆鋒突擊應援，賀他入行25周年。

 

Naomi在16歲參加雜誌《Amoeba》舉辦的比賽，躋身最後5強而加入娛樂圈，她表示當年曾向霆鋒透露自己要入行，偶像語重心叮囑她的說話，她記到今日：「你叮囑我唔好玩玩吓，認真做！我話應承你，我一定會。」成為明星後，Naomi曾與偶像同台主持動漫節活動：「我入行其中一個目標達成咗，多謝你由細到大成日同我講道理，教識我好多嘢，呢啲係其他人唔會明嘅，相比好多Fans，我非常之幸運，我都唔相信竟然已經25年。」Naomi曾於訪問中表示，一直視霆鋒為夢中情人，就連揀男友都要似他有勾鼻，可見她有多鍾情於霆鋒。

 

Naomi當年入行獲偶像霆鋒叮囑唔好玩玩吓。

 

入行後都曾在工作場合見過霆鋒。

 

雖然與偶像已是同行，但昨日Naomi再次追星，為霆鋒突擊應援，霆鋒見到一班Fans都好驚喜，甚至連自己都忘記原來自己已經入行25年嘞！Naomi就大讚霆鋒同25年前差唔多樣，Keep得好好！

 

呢位Fans真係好長情。

 

更多最新疫情資訊，請到以下專頁瀏覽 按此  

立即下載 | 全新《星島頭條》APP : https://bit.ly/3yLrgYZ