TL用返舊名韓子亮行走江湖 改來改去得個吉

年初加盟新公司的韓子亮(TL)，由於新公司對他寄望甚高，希望他能在樂壇「發熱發亮」，故被公司要求改名為韓亞光(Fire)。可是改名半年來，TL一直不適應新名字，而且健康變差聲帶生繭，月底要做手術，術後一個月唔可以講嘢。

 

韓亞光向公司成功爭取，用返舊名韓子亮。

 

最終他不怕得罪公司大膽爭取說：「我覺得韓亞光(Fire)呢個名唔係好襯我，而且粉絲都叫慣我做TL，有粉絲話『其實我自己做嘢On Fire就得，唔駛特登改名。』」他又笑言改名後唱不了他的成名作《Party with TL》:「唔通改歌詞Party with Fire咩，成首歌冇晒靈魂啦。」在據理力爭下，他終可以用返舊名韓子亮(TL)繼續行走江湖。TL對此十分興奮，更刪除了所有Instagram上的舊帖，揚言要重新做人：「希望令到以前噓我嘅人，日後都會為我拍掌。」

 

新公司對TL寄望甚高。

 

韓子亮已刪除所有IG上舊帖變返TL。

 

原來韓子亮來來回回先後3次改名:「我初出道時叫韓梓亮，中間都係改過一次寫法做韓子亮。」他又指，用回舊名亦有另一個原因，寓意係毋忘初衷。他認為，子亮都係代表住發紫發亮。至於他身份證上其實是什麼名字呢？他笑笑口說：「係韓梓亮。」

 

他認為韓亞光(Fire)個名唔太襯他。

 

原來他身份證上用返原名韓梓亮。

 

更多最新疫情資訊，請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ