群星貼舊照記念珍寶海鮮舫 楊洛婷慶祝常客趙學而辦婚宴

有46年歷史的香港仔「珍寶海鮮舫」，14日已正式移離本港，不少藝人也曾在此留下不少回憶；楊洛婷昨日（15日）上載多張過往在海鮮舫拍攝的照片，包括懷孕、慶生、與女兒一家人食飯等多個不同時期的照片，她寫道：「如此多的慶祝活動，如此多的回憶，是時候說再見了，但也祝你的新冒險好運！」

 

楊洛婷當年大住肚都去幫襯。

楊洛婷仲有同囡囡揀海鮮。

楊洛婷一家三口去打卡。

 

而2011年跟老公Alan So在海鮮舫舉辦婚宴的趙學而，亦上載一條重遊舊地的短片，並表示：「曾經有啲地方，發生過嘅事，對於我、對於你、對於我哋，可能永遠都唔會忘記。假如再一次返到去嗰個地方，你又會記起咩事？記起邊啲人？#無論個世界有幾崩壞 #有你哋喺度呢個地方依然好靚。」

 

趙學而拍埋片。

 

在海鮮舫停業期間，組合MIRROR亦曾到該處拍賀年歌MV，成員王智德（Alton）在社交網分享多張與隊友的合照，當中有姜濤、李駿傑（Jeremy）、楊樂文（Lokman）及陳瑞輝（Frankie）。

 

MIRROR曾到珍寶拍MV。

仲有打卡。

姜濤（右）拍到一半瞓着。

 

至於李綺雯也在社交網貼出幾年前出席友人在該處舉行婚宴的照片，她寫道：「可能好多人會話成世都未去過，但係咪就等如無存在價值？如果我哋眼中呢啲嘢淨係呃遊客，咁我地生活嘅香港，當中歷史文化，每樣建築嘅故事，其實香港人有幾多人會了解……香港人可唔可以協力去發展、發揚、傳承？而避免香港被抹成一式一樣的模樣？」

 

李綺雯貼出去朋友婚宴的照片。

 

星島新聞集團慶回歸25周年專題網站，請即 瀏覽

立即下載 | 全新《星島頭條》APP : https://bit.ly/3yLrgYZ