Juicy叮｜兄嫂一家四口與父母同住僅俾$4000家用 港男斥當阿媽係工人

常言道「家家有本難唸的經」，有網民於討論區訴說指，兄嫂與子女一家四口搬回父母家中後，每月僅給$4,000家用，家頭細務全由母親一手包辦，大嫂則從不給家用兼不幫忙做家務，令該網民大感不滿。

該名網民於「香港討論區」發文指，其哥哥與大嫂每人各月入萬多元，育有兩名子女，現一家四口搬到父母家中同住，由於家中沒有聘請傭工，故所有家事都要母親一手包辦，「阿媽幫手湊兩個孫，加煮飯洗衫」。他不捨媽媽太辛勞，又不滿哥哥只給$4,000作家用，「$4,000包佢成家喺到又食又住」。

樓主透露，大嫂的所作所為更是令人氣憤。哥哥有時放工也有幫忙做家務，但大嫂從不在金錢上支援家庭開銷，對家庭更無任何貢獻，「一蚊家用都唔會畀，家務一啲都唔做，放工返嚟等食」。樓主批評大嫂每日「好食懶飛」，每日回家只會入房歎冷氣網購，家裡大小事都要母親操勞，並指哥哥對妻子也有微言，「阿哥都呻佢老婆孤寒，平時買個麵包都只會買1個畀自己」。

樓主斥大嫂對家庭亳無貢獻。unsplash圖片

 

樓主直言既然一起同住就應分工合作，「做人新抱唔係要你受委屈，但都唔好咁老馮」，更質疑兄嫂另有目的，「你覺得屈就點解唔搬走，根本就想等老人家百年歸老食埋佢層樓」！

帖引起網民熱論，有網民認同樓主，批評大嫂自私懶惰，「你媽媽好大方，任勞任怨，阿嫂好唔識做」、「呢啲人太自私，凡事只考慮自己」；有網民則認為樓主的哥哥也應負上責任，「你阿哥最應該開聲」、「你阿哥太安於現狀！家用畀得$4,000！買餸都唔夠啦」！

資料來源：香港討論區

星島新聞集團慶回歸25周年專題網站，請即瀏覽：https://bit.ly/39AQC3m
立即下載｜全新《星島頭條》APP：https://bit.ly/3yLrgYZ