周杰倫新專輯未見影Fans佛系等待 DJ爆推出月份強調今次講真

台灣天王周杰倫已經6年冇出新專輯，等到Fans都懶得再催，去年8月上載MV片段，又曝光新歌前奏吊Fans癮，大家都以為他去年會推出新專輯。點知等到今年老婆昆凌生多個女，周杰倫都未生得出佢張新專輯。昨日（18日）台灣電台DJ吳建恆，擔任品牌活動主持人時遇上周杰倫，當然有問吓張新專輯幾時出呢？吳建恆透露周杰倫新專輯要等到7月，又向他分享新歌，並表示：「他說這次是真的。」

 

周杰倫早前迎來第3個小朋友。

 

老婆昆凌生多個女，周杰倫都未生得出佢張新專輯。

 

去年8月上載過新歌MV片段同新歌前奏，咁又就快一年嘞！

 

周杰倫其實都講過幾次新專輯就快出，但天王嘅時間觀念同大家似乎有啲唔同，又或者真係想做到盡善盡美啦！所以5月時話6、7月會出新專輯，Fans已經抱佛系心態表示唔爭在等多一排，又話聽住先，似乎對偶像的承諾信任度大減。而吳建恆今次又透露周杰倫7月會出新專輯，Fans都表示：「我不信」、「真的嗎」、「不要等到7月31日」、「請不要把之前發佈的幾首單曲放進去湊數」、「再信你最後一次」，希望周杰倫信守承諾啦！

 

5月時晒出疑似拍MV照。

 

6月就快過……希望係7月啦……

 

台灣DJ爆周杰倫7月會出新專輯。

 

仲話今次係真喎，信唔信好？

 

有Fans話信多一次。

 

如果新專輯有一半都係之前出過啲單曲，Fans唔知會點呢？

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ