車Cam直擊｜的士隧道自動繳費道落客 網民：收唔切油點算

的士並非到處可落客。有網民近日發現有的士竟在隧道收費站自動繳費道停下落客，險些發生意外！

有網民在社交媒體Facebook群組「馬路的事討論區」上載一段車Cam片，當中顯示昨日（19日）下午5時許，片主駕車沿青沙公路準備經過尖山隧道收費站時，一輛的士竟在自動繳費道停下，片主恐怕後面會有車收掣不及撞上，故離遠已開始響長咹警告。未幾，一名男子從的士開門下車，向片主遞手示意後，便急急腳跑向左方，此時一名隧道職員急忙阻止該男子橫過。該輛落客的士其後駛走，並打左燈連切3條行車線，片段在此結束，未知事件後續。

網民看完影片後紛紛批評離譜，表示「假設我收唔切 會點呢」、「被後面車撞埋嚟就XX，自動繳費又好，停車繳費又好，點都冇理由喺度落人」、「最危險嘅嘢做齊，強烈要求先考智力判斷力，合格才畀學牌」、「這種駕駛態度，點做職業司機呢」。亦有人懷疑落車男子是隧道職員，「趕住去收費亭返工」、「可能隧道職員返工，一落車即係入閘上班」。

另外有網民指片主長響咹的行為無必要兼「乞人憎」，但就有人反駁這種做法合理，「長咹可以用聲提示埋後車有突發情況，有時打死火燈後面發夢都未必留意到照追尾撞落嚟，咁想問下個咹呢個情況都唔用你打算幾時先用？」

影片來源：「馬路的事討論區」FB

星島新聞集團慶回歸25周年專題網站，請即瀏覽：https://bit.ly/39AQC3m
立即下載｜全新《星島頭條》APP：https://bit.ly/3yLrgYZ