Juicy叮｜父親節討好爸食辣做男子漢 兒子向媽訴苦：屁股好似畀火燒咁

有港媽在「親子王國」討論區發文，稱嗜辣的丈夫認為食到辛辣食物才是真男人，所以教導兒子食辣，結果兒子向媽媽大吐苦水「Patpat好似畀火燒咁」，令她十分無奈。

發文者說，丈夫是一位鍾情食辣的人，基本上可說是無辣不歡，而她就是一個不食辣的人，所以丈夫經常說她「好渣」，還跟兒子說「堅持食到辣先係真男人」。所以他由小就教兒子食辣，但本身兒子都不太喜愛食辣，所以很多時都一於少理。

網民的兒子挑戰食辣，結果出現便秘及肛門痛的情況。示意圖片

 

剛過去的星期日父親節，全家去了食四川菜館，由於她和兒子都不嗜辣，就叫了一些不辣的菜式，連酸菜魚都特別要求走辣，「但係唔知係咪因為父親節嘅關係，再加上老公不斷灌輸大男人價值畀佢，仔仔竟然主動去試老公叫嘅水煮牛肉，唔止牛肉仲要夾咗好多辣椒落個碗度，話要威畀老竇睇，食嘅過程都睇得出佢係夾硬食！」

發文者又透露，最好笑的是，兒子偷偷地吐苦水，「話便便好痛，唔知點解好似畀火燒咁，仲話原來食辣野會辣埋落去個patpat度」，港媽無奈「搞到我都唔知點同佢解釋好，唔知佢經過呢次仲敢唔敢食辣呢」。

帖文轉載自《如果係你，你會點解釋比小朋友聽？》

星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ