岑寧兒舉行音樂會表哥Jerald坐陣 ERROR肥仔跟女友復合拍拖睇騷

2022-06-24 13:00

岑寧兒首個個人演唱會《岑寧兒 Home is….》音樂會，昨晚（23日）在九展Star Hall開鑼，岑寧兒的媽媽劉天蘭、張艾嘉、楊諾思、江海珈(AGA)、羅孝勇和王丹妮夫婦到場持，其中ERROR的梁業（肥仔）原來已和初戀女友阿芬一同到場睇騷，肥仔大方承認跟阿芬早前已復合。

一開場岑寧兒即表示這是自己既緊張又刺激的第一場，她演唱一曲《如果我是一首歌》前，公開了兒時與媽媽寄給婆婆的卡式錄音帶內容，聲帶中的她連聲說：「我好乖。」以及過去幾年發生了很多事。她更表示很掛念離開了香港的人，多謝在場陪伴着她的每一位。岑寧兒演唱《戒口》時，有舞蹈員出來跳舞，她即笑稱不要以為她會跳舞，唱畢後更說：「我覺得自己已經郁咗很多，我換咗衫，一次過除咗幾件衫，真係好大陣仗同埋大突破，我有好多歌都係企喺度唱，平時都係坐喺度唱呢，所以我想請嘉賓出嚟唱歌，因為我好攰。」

岑寧兒媽咪劉天蘭（黑衫）及張艾嘉（粉紅衫）在台下捧場。

羅孝勇及王丹妮兩夫妻。

肥仔跟初戀女友阿芬復合，並拍拖前來睇騷。

今次音樂會原定４月舉行，因疫情而押後。

出名有一把靚聲。

岑寧兒邀請了表哥、當年組合Swing的成員之一Jerald （陳哲廬）出場，他專程從加拿大返港合作這次演出，Jerald更擔任音樂總監重任，二人合唱《半張飛》。岑寧兒表示：「從細就有幫Jerald創作嘅歌唱Demo，又係佢搵我第一次做和音，但一直好少機會同佢合作，所以好開心同珍惜。今次組班就打俾佢，因佢係一個重心，呢次主題係家；家係一個鎖匙，喺音樂係或見到家人都係，所以佢喺度好重要。佢依家叫我唔好講，因為佢已經想喊。」之後岑寧兒坐上滑板車升上高空並慢慢滑到觀眾席中央，除與觀眾近距離接觸外，她更和Jerald與台下觀眾互動玩唱和音遊戲。

最後岑寧兒深情地表示，現在有機會表演已很難得，原先這音樂會是在4月舉行，但卻延至現在，就算大家過去這幾年有多習慣無常也好，大家要值得珍惜：「我返香港係冇長遠計劃，做咗呢個Home is計劃、4首歌同埋今次音樂會，係好開心，呢次第一次有咁多製作，可以升高同埋飛出去，但無論規模係點樣，都多謝每個單位投入製作，我好感恩，好多謝大家，喺呢個無常嘅環境中，我哋仍可以捉住一個恆常嘅心做自己。」最後她更承諾會在4年內再開騷。