鄭嘉穎新戲灌水救子 送玩具𠱁掂小演員

鄭嘉穎在新電影《焚身》中飾演醫生好爸爸，與戲中太太朱晨麗育有五歲兒子（黃嗣舜飾），一家人生活幸福，但因一次醉酒斷片惹來出軌疑雲，遭第三者陳靜（Dada）入侵家庭，其中一場Dada更會對嘉穎兒子下安眠藥，嘉穎則要灌水入口營救，他直言收到劇本時最擔心這場戲，因要對一個五歲小朋友不斷灌水、做扣喉效果，難度好高。拍攝時嘉穎抱昏迷兒子去洗手間，小演員嗣舜完全放軟身體，灌水時只有一兩次不小心噴水而NG，最後順利完成，嘉穎說：「起初一見到黃嗣舜，我同佢講這場戲你會好辛苦，同佢打定底，我覺得小朋友要哄的，所以我承諾如果你好好做，叔叔就送份玩具畀你。拍攝前問佢驚唔驚？佢話唔驚。真係唔驚？真係唔驚！咁就好，最後拍得很順利！」

 

鄭嘉穎新片現已上映。

 

鄭嘉穎片中演醫生，有場灌水救子戲份。

 

完成拍攝後，嘉穎遵守承諾送上大盒玩具禮物，而嗣舜亦準備了兒童圖書送給嘉穎的兒子，「兩父子」交換禮物相當溫馨！現實中嘉穎和太太陳凱琳都是演員，但他則不希望兒子踏上演員之路，全因辛苦自知，但身為慈父的他都會尊重兒子將來的選擇，若真的有興趣入行，會與他們分享經驗，避免兒子犯他剛入行時犯過的錯。

 

送晒玩具咁，真係識做呀！

 

唔知鄭嘉穎兩個囝囝有冇呷醋呢？

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ