折骨Ben新歌MV又唱又跳又武克服畏高初嘗吊威哋滋味

2022-07-13 01:30

參加ViuTV《全民造星III》以「折骨舞」稱冠的趙祥誠（Ben），加盟寰亞唱片出道，首支單曲《粉身碎骨》及MV已同步上架。MV中除了跳舞還加入武術，結果足足拍了24小時。首隻自己歌曲的內容，Ben解說：「呢首歌係講一個人，為咗鍾意嘅人或事去到好盡，甚至粉身碎骨，好壯烈和淒美嘅感覺。」第一次擁有真正屬於自己的歌曲和MV，Ben坦言很興奮，他亦不忘多謝工作人員和設計今次MV的團隊。

《粉身碎骨》是講為最愛的東西可以瞓身爭取。

MV中加入武打動作，Ben要即場跟專業人員綵排。

打起上嚟都似模似樣。

MV中，Ben與女飛賊爭奪寶物，在布置成鳥居的場景大打出手，初嘗吊威吔滋味的他說：「下半身被威吔戚住，大髀位有啲痛，加上我本身有畏高，心情好緊張。有啲動作以為自己OK，但其實係NG，吊住嘅時候因為手腳都離地，頸和腰都要更加出力，為咗做啱表情，我都唔記得自己係畏高。」雖然吊威吔又難又辛苦，但因Ben自小看不少古裝劇、科幻電影等，因此一直想嘗試吊威吔，結果終於在MV中成就解鎖！