LMF 大飛同老婆移居日本黃貫中何超儀Farewell老友

2022-07-18 22:30

LMF成員陳匡榮（Davy/大飛）近年開設野武士燒酎吧，因為好多朋友捧場本來生意都不錯，但因為呢兩年疫情關係而不斷停業，第五波更停業達5個月，意興䦨珊的Davy決定唔再做，燒酎吧由本年4月1日起永久停業。好多朋友都唔捨得，仲話希望疫情消退可以等燒酎吧回歸，朋友們應該會失望嘞，因為Davy同結婚年半的老婆Lara將移居日本。

何超蓮有去燒酎吧撐場。

老友廿四味。

據知Davy嫂在港經營手工皂網店，近年更推出含大麻二酚（CBD）的番梘及有關產品，反應唔錯。不過，禁毒常務委員早前通過會議討論，支持政府建議在《危險藥物條例》下立法加強管制大麻二酚（CBD）產品，使一般CBD消費產品不能在市面供應，認為措施能保障市民健康及有助打擊毒品問題。

Davy夫婦同愛貓。

Davy嫂經營的CBD網店。

未知是否以上原因，有感生意難做而把心一橫移居日本?從LMF隊友IG Po可見，大家都好唔捨得佢，又貼晒陳年舊合照表達不捨之情，其實香港同日本距離好近，搭飛機好快到。而從大飛Farewell飯局合照可見佢人緣相當好，黃貫中、何超儀夫婦、杜如風及爆腎KB等一班朋友輪流同佢踐行。一路順風，新生活愉快呀Davy。