Jeremy再出新歌《九》由張繼聰作曲 MV黑白妖艷造型再升級

2022-07-19 13:30

作為今年新人的MIRROR成員李駿傑（Jeremy），近日推出最新派台歌《九》；延續之前《半》的概念，再度嘗試用歌曲跟樂迷講道理，而新歌MV中Jeremy再次以亦正亦邪的演繹造型出現，將妖艷升級。至於歌詞內容則是道出每個人需要作出選擇的時候，都會出現很多不同的誘惑，但大家選擇的結果，其實都取決於自己善或惡的個性，但歌曲最終想告訴大家，不論任何選擇，都要自己承受後果。

今次《九》由張繼聰作曲，Jeremy也始料不及：「收到Demo時好驚喜，因為冇諗過會有佢寫歌俾我，有啲Surprise。」比起上次《半》，Jeremy坦言這次演繹更見難度：「起初以為Verse（主歌）難，因為歌詞好密，咬字要好實淨先知講乜，所以錄音時比較擔心呢部份。點知原來最難係Chrous（副歌）先真，難在要唱出味道，Carl叔叔（監製王雙駿）一路斟嚼用氣唔夠，跟住錄咗兩個半鐘後，把聲完全沙晒唱唔到，可能因為我捉唔到個力，搵唔到個Feel夾硬唱，結果搞成咁。」Jeremy最終要第3次走入錄音室才能成功找到應有的感覺，順利完成，不過Jeremy悄悄說：「歌詞中嘅一句『What Should I Do』，佢嘅低音位係用我本身沙咗把聲去錄，所以沙聲有沙聲嘅好，令到件事更加Creepy（怪異）。」

部份MV在一間荒廢酒醋廠拍攝。

造型有白有黑，代表善與惡。

造型一絲不苟。

荒廢酒醋廠拍攝又熱又焗

而MV也是圍繞善與惡的主題，Jeremy稱：「MV裡面出現黑、白兩個造型，分別代表善與惡，一個人無論幾善良都好，一定會有少少嘅陰暗面出現；幾壞嘅人都會有善良嘅一面，希望大家能坦承面對自己，去搵返自己真正嘅善同埋惡。」製作團隊為MV找來一個荒廢了的酒醋廠，猶如廢虛的場景，但拍攝時因天氣悶熱，過程都十分辛苦，Jeremy謂：「第一次喺外景，好熱冇冷氣，另外好多塵，冇咁乾淨，喉嚨成日有啲唔舒服，但為咗拍到靚shot，所以不論幾熱幾辛苦都係值得嘅，但就辛苦晒幕後嘅同事。」