白色強人II丨馬國明盼得「最佳劇集」齊齊開心 視后有獎金唐詩詠更有動力

馬國明、唐詩詠、胡定欣、郭晉安及陳豪等，今日現身商場為TVB劇集《白色強人ll》宣傳，眾人在現埸比試冲咖啡，並派咖啡及紀念品給現場觀眾。有報道指馬國明及唐詩詠分別主演《法言人》及《超能使者》成為今年的台慶劇，兩人爭視帝及視后被看高一線，馬明表示還未確定，只是看報道才知道消息。

 

沖咖啡點解唔係陳豪（左）出手？

 

女士們就四個一齊出手。

 

馬國明和唐詩詠承接上集，兩人同是飾演一對。

 

對於視帝大戰，是否覺得今年勁敵是陳山聰及陳展鵬？馬明說：「全年出嘅劇集都有機會角逐，都唔係最近先掀起。TVB爭男、女主角都好多勁敵，郭晉安、陳豪都係。」恨不恨再攞視帝？馬明指想此劇奪得「最佳劇集」，因當時在疫情下拍攝，劇集是靠團體完成，得「最佳劇集」台前幕後一起開心，好過自己一個高興，他又戲言一起得「最佳劇集」及視帝便完美，笑謂若再中頭獎便真的「搞唔掂」。若如此會否結婚實行「四喜臨門」？他笑說到時才答，但始終覺得獎金最實際。

 

兩人都被視為視帝及視后大熱。

 

馬明笑言希望自己跟陳豪及郭晉安一同攞視帝。

 

視后大熱唐詩詠希望《白色ll》劇中每個人，由新人獎攞到視帝，馬明聞言笑稱最好今年破天荒；自己與陳豪及郭晉安同得視帝。恨不恨再攞視后？詩詠說：「冇特別要攞多一次，反而希望大家睇劇時有感受以及共嗚，好似《超能使者》講到基層生活苦況，觀眾感受到，作為演員已達標。當然視帝、視后有獎金會更加積極。」

 

唐詩詠贊同馬明講法，獎金最實際。

 

張曦雯（左起）、唐詩詠及胡定欣沖咖啡時十分投入。

 

星島新聞集團慶回歸25周年專題網站，請即瀏覽

立即下載 | 全新《星島頭條》APP :  https://bit.ly/3yLrgYZ