獨家丨何珮瑜向劉青雲瘋狂偷師賺晒《神探大戰》剃眉剷青演叛逆女

2022-07-23 07:00

Jeana謂青雲在現場沉思時，冇人敢打擾他，氣場好勁，但間中都會跟大家閒聊講下去旅行。

正身在內地工作的何珮瑜（Jeana），最近在新戲《神探大戰》中首度跟導演韋家輝及劉青雲合作，戲中演青雲囡囡的她，興奮指合作期間獲益良多，就算為角色剃眉剷青都值得。而在另一電影《電子靈》中，她亦有新突破，她很感恩疫情下仍工作不斷，所以目前感情隨緣，專注事業及家人。採訪：杜杜攝影：沈健程髮型：Kim Ng 化妝：Milk Cheng 服裝：MARYLING場地：尖沙咀iSQUARE 英皇戲院

Jeana跟青雲合作三個月，如上了寶貴一課。

Jeana在《神探大戰》的造型，確實好大犧牲。

首度跟韋家輝導演合作的Jeana，甫見面已被要求為角色突破造型，剪男仔頭兼要剃眉剷青，她想了半天便答應，「覺得係個好好嘅機會，難得同好多前輩同埋韋導演合作。」果然跟前輩合作必有收獲，她單是留意戲中爸爸青雲開工情況，已學到嘢，「喺嗰三個月嘅拍攝裏面，未見過青雲哥攞個電話出嚟㩒，佢真係好犀利，非常專注。」

戲中Jeana跟青雲和阿Sa，都有不少對手戲。

先後在劇集《女法醫》及《神探大戰》，Jeana和阿Sa已成好友。

愛情只會隨緣

到Jeana真正跟「青雲爸爸」做對手戲，更加不得了，「有次同青雲哥對戲，我話『有兩個版本演呢場戲，你覺得邊個好啲』，佢就話『你不如諗十個、二十個』，吓！我就學到一樣嘢，如果一場戲可以諗到多啲版本，去到現場可以同導演同其他現場氣氛夾到，會有好多唔同火花出到嚟，好開心今次可以學到好多嘢。」她又讚青雲齋靠把聲已好有感染力，「有一場戲佢要追住我講一段說話，我就調頭走，我一路跑一路聽住佢把聲，我都已經忍唔住喊，佢可以令到聲音都感染到對方，我覺得好犀利，望住佢對眼已經入咗戲。」

Jeana在《電子靈》演到韓國發展的女團成員，靠死記韓文演出。

近年Jeana有不少角色新嘗試，早前就第一次拍古裝。

至於《電子靈》中，Jeana會飾演到韓國發展的女團成員，既要學韓文，更要化女鬼妝，連自己都驚，「個妝要化三個鐘頭，經過塊鏡我都唔敢望，好驚自己個樣會入咗腦，嗰段時候我專登曬好多太陽，畀返啲陽氣自己，哈哈！」對於每次角色都有挑戰，Jeana非常享受，又好喜歡為工作周圍走，不用開工就回老家河北陪家人的生活模式，至於愛情只會隨緣，「我會將成個心機擺喺工作同家庭，呢個年紀我係好想結婚，亦都好想有小朋友，家庭會對於我嘅工作更好，更有動力同寄托，但係仲未有人出現，哈哈！」