MIRROR演唱會丨鏡粉提早到紅館場外拎應援物 暫設20個實名制門票檢查站

人氣男團MIRROR 12場紅館演唱會「MIRROR.WE.ARE LIVE CONCERT 2022」今晚正式開騷。一眾鏡粉都非常期待，早於下午五點左右，就已有鏡粉在紅館旁邊的商場派發明信片、手帶等應援物，吸引一眾鏡粉排隊索取。

 

MIRROR 12場紅館演唱會「MIRROR.WE.ARE LIVE CONCERT 2022」今晚正式開騷。

 

Fans自製應援物好受歡迎。

 

呢位一定係柳柳粉。

 

有官方周邊同Fans啲應援物，攤販似乎有啲難搵食。 ​

 

周邊攤位都開始排隊。

 

另外，在紅館場外亦有不同嘅攤販擺賣有MIRROR成員樣貌的扇及燈牌等，但可能因為時間尚早，所以暫未有人幫襯。會場設有演唱會官方紀念品售賣區，買齊全套由港幣1140元起跳，因物品當中有些項目是個別成員的肖像品；至於曾被鏡粉投訴太昂貴，售價360元的手燈，依然大受歡迎。

 

有扇。

 

官方Tee。

 

手燈賣360元事前被嫌貴，但一樣好多鏡粉買。

 

買齊全套周邊由港幣1140元起。

 

當然要打卡留念啦！

 

由於今次是紅館首個實名制買飛嘅演唱會，故鏡粉亦早在四點開始到紅館登記，現場暫時開設了20個實名制門票檢查站讓粉絲登記，並設有入口讓粉絲排隊，每一位持實名制門票的人士在入口處能獲得扇和雨褸的贈品。

下午4時許已開始有人開始登記，至晚上7時已有過百人排隊；每位實名制持票者在登記後均獲發手帶及在手蓋上雷射印章。

 

由於今次是紅館首個實名制買飛嘅演唱會，故鏡粉亦早在四點開始到紅館登記。

 

現場暫時開設了20個實名制門票檢查站讓粉絲登記。

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ