英超│阿仙奴挫水晶宮開齋 阿迪達：球員感覺餓波

英超開鑼戰，阿仙奴作客鬥水晶宮，槍手憑藉馬天尼利頭槌及對手烏龍球，以2:0小勝開齋。阿迪達賽後指一班球員非常「餓波」，展示無比的爭勝決心。

阿仙奴今場有捷西斯、沙列巴及辛真高三位新兵正選，並以布卡約沙卡、捷西斯及馬天尼利合組三叉戟。開賽五分鐘，馬天尼利補射斜出，不過此子在二十分鐘即打破悶局，在角球攻勢接應辛真高頭槌二傳再近門頂入，加上蘭斯達爾四十二分鐘擋住水晶宮前鋒伊度亞頭槌，半場領先1:0。

換邊後，蘭斯達爾先後擋出伊斯快射及加比爾解圍變攻門，保住一球優勢。八十五分鐘，阿仙奴沙卡傳中省中水晶宮守將古希彈入，結果以2:0小勝對手全取三分。

阿仙奴左閘辛真高表現活躍。Reuters

捷西斯走位多，但今場未有士哥。 Reuters

 

阿仙奴今夏大手增兵，聯賽首仗終於旗開得勝，阿迪達喜道：「季初集訓數星期我已經有強烈感，一班球員非常『餓波』，態度上已經準備好落場爭勝。我們踢出想要的風格，控制場面、製造威脅，而且受到壓力時都可以抵抗對手。」

阿仙奴開齋之後，下輪賽事是下周六晚上十時主場鬥李斯特城，水晶宮則要等到八月十六日才作客利物浦。

立即下載 | 全新《星島頭條》APP : https://bit.ly/3yLrgYZ