劉德華難頂酷熱天氣穿厚衫拍攝林家棟大方直認片酬加咗唔少

2022-08-10 14:15

劉德華擔任監製，聯同林家棟、彭于晏（Eddie）、任達華及劉雅瑟主演的警匪動作電影《潛行》，日前順利煞科。華仔早前率先煞青，導演關智耀（Jason）及動作導演錢嘉樂和林家棟，一齊為華仔開香檳慶祝。雖然日前天氣酷熱，氣温高達攝氏36、37度，但仍無阻拍攝團隊，華仔更因為劇情，需穿上毛衣及西裝外套拍攝，家棟也不能輕鬆，同樣穿上厚厚的西裝褸拍動作戲，十分辛苦及吃力。華仔煞科時回想跟家棟相隔10年再度合作，份外感觸：「由《風暴》到而家，大家都睇到家棟處理情感上做得好好。」家棟聞言笑説：「由《風暴》到而家已經10年，真係變化好大，因為人工高咗。」

早前彭于晏（右起）、林家棟及鄭則士等，在炎熱天氣下拍外景。

華仔仲要著樽領衫呀！

華仔（中）跟導演及動作導演錢嘉樂（左）。

劉雅瑟笑言不用怕家棟

繼華仔日前煞科後，其他演員如家棟、彭于晏、任達華及劉雅瑟亦相繼一起煞科，身為監製的華仔亦有到現場，以茶代酒感謝大家，華仔感恩的説：「我哋係由4、5月開始，呢段時間我哋經歷咗好多唔同嘅經歷，有開心、有唔開心，但係我哋都將呢啲變為開心。」任達華指整個劇組就像一家人，最重要是大家安全工作，平安回家。今屆出爐金像影后劉雅瑟則笑説：「這是我拍過最輕鬆的一部戲，因為在戲裏面我沒有被人打。這次在這部戲我見到家棟哥，我不再害怕了。還有謝謝華哥，和我有很多對手戲。」