獎門人丨蔡嘉欣認自製黑眼圈造假吸客力撐產品有效僅手法誇張

2022-08-12 12:45

蔡嘉欣昨晚（11日）為遊戲節目《開心無敵獎門人》進行錄影，她表示第一次參與該節目，但完全不緊張，因為他們那組有安德尊坐陣，大讚他是超級遊戲高手，玩甚麼遊戲都贏，自己則擅長搞氣氛，轉數方面也不錯，對玩遊戲有信心。

蔡嘉欣早前喺網上為美容產品宣傳，被質疑自製黑眼圈突出效果。

蔡嘉欣經常騷身材，吸引唔少廣告客。

蔡嘉欣早前在網上為美容產品宣傳時被質疑自製黑眼圈突出效果，遭網民喪插造假，她解釋是客戶安排，死撐產品有效，她說：「工作係公司接，我唔方便講太多，化黑眼圈係客戶安排，唔係我嘅主意。（當時妳不覺得有問題？）客戶覺得無問題，我幾驚訝自己喺大家心目中係無黑眼圈。（要造假即是無效？）產品係有效，只係手法太誇張，網民又太聰明。（下次遇到同樣的事情會否出聲？）我有時會同客戶溝通，但有啲工作係公司安排，我都好被動。」