獨家丨193冇為紅館意外發聲被狙擊大笑叫咪阻佢：回覆黐線佬係我樂趣

2022-08-12 17:40

MIRROR的紅館演唱會事故發生至今已經兩星期，12子早前在社交網相繼發文，惟魯庭暉與主辦方之一兼MIRROR經理人公司MakerVille一直保持沉默，昨日（11日）更被一群鏡粉指他們「龜縮」。而向來敢言的ERROR成員郭嘉駿（193）亦無辜被牽連，有一批網民在一個經常反ViuTV的群組，Po出向193私訊挑機的Cap圖，可見網民以不禮貌的粗俗文字和態度，大罵193為何未有為意外發聲，引得193本人回覆，並與多位網民掀起罵戰，其中有網民指193：「你條傻西瓜平時寸過碼頭咕哩，而家做潛水鏡，同12件垃圾一X樣，無X用」、「X頭，平時唔係好X寸嘅咩？唔係好X多嘢講嘅咩？而家出咗事就龜縮唔X蒲頭啦，你老母生你呢個XX仔，見高拜見低踩，吔屎啦你！」火氣十足。

ERROR的193（右一）一向敢言，有網民質疑他今次未有為MIRROR紅館騷事故發聲。

MIRROR演唱會日前發生嚴重意外，12子現正停工。

面對無理取鬧的辱罵，193亦不甘示弱，向網民逐一還擊表示：「你連『潛水鏡』同『潛水』都未分得清，幼稚園畢業未？」、「你係咪戆X，我唔係時事評論員，我鍾意講乜就講乜㗎啦，關你X事咩，廢柴鍵盤戰士」，雙方在言談間都包含粗口。在雙方對話截圖於網上瘋傳後，大部份網民都認為主動私訊193的網民行為無聊幼稚，亦支持193反擊！直言「PM佢嗰個都幾無聊」、「以事論事，今次193無問題喎，PM條友白卡先撩者賤！」

呢位網民言論非常粗俗。

瘋狂提及媽媽……

193稱連日收到好多狙擊他的DM。

《星島頭條》記者就此事向193本人查詢，193回應：「突然有大量『白卡佬』DM我，以我理解，應該全部都係嚟自一個反我哋電視台嘅群組。我唔介意佢哋DM我同我理性討論，但係佢哋每個DM我嘅人一開口就粗口爛舌，問候我屋企人咁，咁我惟有用相同語言回覆佢哋，迎合返佢哋嘅水平。」193又表示亦收到好多支持者私訊，叫他不要生氣，甚至不要回覆，並感謝粉絲的支持，他續澄清表示：「我冇嬲，其實私底下成日會同朋友分享呢啲黐線訊息，然後睇完一齊大笑，呢個世界真係好多黐線佬、無理取鬧嘅人，回覆呢啲黐線佬係我嘅樂趣嚟，唔好阻止我。」