劉浩龍因為工作荒廢玩撲克無乜生疏郭偉亮自認牌技渣唔敢教班

2022-08-18 22:45

劉浩龍（師兄）與郭偉亮（Eric）今晚到銅鑼灣出席亞洲撲克學院活動，同場更有黃柏高。二人曾合作經營影片頻道請圈中好友玩撲克牌，也有亮相J2台節目《鋪鋪Poker》，他們表示想推廣成一項運動，感激頻道獲得不少人支持，師兄笑言：「雖然頻道因為工作荒廢了一段時間，但大家睇完覺得不錯，因為少有用廣東話拍撲克片，有不少愛好者都支持，最終我們揀了和亞洲撲克學院合作，好似一個協會。」問到可會教班？Eric笑言只曉得做主持，自認牌技渣只適合做娛樂，又笑說：「因為一邊玩一邊和嘉賓傾偈，又不能令嘉賓太快輸，要讓他們有多些籌碼繼續玩才好睇，邊玩邊搞氣氛，已經很累了！」

師兄指Eric是講大話高手，而他則比較老實，節目效果豐富，拍影片吸引不少人當電台節目聽訪問，笑言撲克牌在手，嘉賓便比較真性情。他們又預告影片頻道將有第二季，好兄弟側田會是首集嘉賓，笑指他十分叻，今輯會安排更多靚女及酒，希望令嘉賓更暢所欲言，Eric笑指師兄飲多幾杯便見大膽，牌技變得深不可測。