林家謙搵「孖生大佬」做嘉賓張敬軒唔戴眼鏡皆因怕撞樣

2022-08-19 23:20

林家謙今晚（19日）請來「孖生大佬」張敬軒（軒仔）擔任其紅館騷頭場表演嘉賓之一，合唱完《假以時日》後二人相擁，家謙笑說：「Hello張生，多謝你參與我第一個騷第一日。」軒仔笑言隔住個「大眼鏡」（舞台裝置）唱歌都好浪漫，家謙問軒仔為何不戴眼鏡，軒仔笑說：「怕同你撞樣，有想過形象指導找一樣嘅衫，同你好似照鏡咁。」家謙即笑稱可以互相代替對方工作，軒仔說一齊工作也可。

林家謙今晚於紅館開騷。

除了招牌自彈自唱。

當然仲有嘉賓，頭場有軒仔呀！

軒仔又指觀眾很愛錫家謙，開騷到現在尖叫聲沒減，還叫得更大聲，又笑指家謙是主人家不說話。軒仔講到他去年演唱會頭幾晚沒人送禮，自從林家謙送禮後，打後便有禮物收，家謙說因為當日聖誕所以送禮，其他人跟住晒，軒仔指對方是潮流指標，並說要禮尚往來。軒仔說：「我與他2017年認識，傾過幾次電話後，我有晚問他會不會出來唱歌，把聲唱Demo唱得好舒服好好聽，收他的Demo全部是Full production可以出得，要用大家威力叫他將Demo輯錄成專輯。我覺得好歌手作品，好聲音需要用好器材錄低。」隨即軒仔送上殿堂級錄音器材給家謙，他指上面個殼是他已執笠的廣州錄音室用過，夢想是好昂貴但要一路記住。

接着，家謙說不想落台換衫，步落梯級時軒仔扶着家謙，軒仔笑說因穿了高跟鞋怕跌，他又問家謙第一次紅館即興夾歌緊不緊張，家謙說不緊張。二人合唱《笑忘書》，家謙鋼琴伴奏，唱完家謙帶軒仔落台，表示：「冇升降，全晚大家睇住我哋行。」非常幽默。