開心無敵獎門人丨陳豪唐詩詠晒演技 郭晉安誤上「賊船」搞到濕身

《開心無敵獎門人》今晚播出第四集，由郭晉安、陳豪、馬國明、胡定欣、唐詩詠及張曦雯組成的「白色強人II隊」，對戰安德尊、張美妮及彭慧中等的「流行都市隊」。安仔一行人更以醫生袍上陣，邊嗌口號邊做動作，不過陳豪就「完美甩 Beat」。

 

《開心無敵獎門人》今晚播出第四集。

《白色強人II》演員拉隊亮相《開心無敵獎門人》。

唐詩詠同陳豪不計形象，好投入。

胡定欣同大家一齊趴地，不過表情尷尷地。

 

在「開心無敵落大閘」環節中，安仔未能秒答太太歐倩怡的成名兒歌歌名， 被戲謔返屋企要頂痰罐；而「開心無敵茶餐廳」環節，就見「白色強人II隊」大晒神級演技，定欣示範極速入戲跪在地上「認屍」，情感大爆發的詩詠秒谷眼淚，陳豪則放下身段、躺在地上扮死屍。安仔則在「開心無敵彈遮遮」中誤上「賊船」，與安德尊組隊答問題，結果頻頻接受「淋水」酷刑，最終「跳船」，場面搞笑。

 

馬國明拎晒紙巾，睇節目就知發生乜事。

陳豪又玩乜？

唐詩詠谷眼淚晒演技。

陳豪玩到瞓低，郭晉安及馬國明站在隔籬睇戲。

郭晉安（左）濕晒。

 

立即下載 | 全新《星島頭條》APP : https://bit.ly/3yLrgYZ