維港會｜星島新聞集團2021年「傑出領袖選舉」頒獎晚宴延期舉行

強風來啦！天文台估計強烈熱帶風暴「馬鞍」明日早上最接近本港並逐漸增強，料有狂風大驟雨及雷暴，市面風大雨大，都係留喺室內安全啲！Kelly 收到通知，原定明日星期四（8月25日）喺香港君悅酒店舉行嘅年度盛事「2021年傑出領袖選舉頒獎晚宴」將延期至9月20日（星期二）舉行，以保障各位賓客嘅安全。

Kelly知道好多朋友都心急想知邊五個單位會脫穎而出，成為傑出領袖，小妹將會為大家跟進最新嘅消息，喺度再提提大家，橫風横雨，唔好周圍走，記得留喺安全嘅地方呀！