風球馬鞍｜批天文台落波預告難觸摸 打工仔：「講實質時間真係咁難？」

天文台今早表示，考慮上午9時至11時改發3號風球，隨後在早上9時20分改發三號強風信號，並表示會視乎本港風力減弱的程度，考慮改發一號戒備信號，或取消所有熱帶氣旋警告信號。不少打工仔批評天文台今早預告的時間範圍太廣，並質疑為何在外面下起大雨時改掛3號風球。

天文台在早上6時許預告，考慮上午9時至11時改發3號風球，隨後在早上9時20分改發三號強風信號。直到早上近10時，天文台再表示，隨著馬鞍遠離香港，本港普遍風力將逐漸減弱。天文台會視乎本港風力減弱的程度，考慮改發一號戒備信號，或取消所有熱帶氣旋警告信號。在過去一小時，長洲、青洲及橫瀾島分別錄得的最高持續風速為每小時73、65及64公里，最高陣風分別為每小時85、81及85公里。

天文台網頁圖片

隨著8號東南烈風或暴風信號已取消，打工仔亦需要趕回辦公室上班。不少人紛紛湧到天文台的社交媒體專頁留言，批評天文台今早預告的時間範圍太廣。有人指，「以往都有講預計幾點掛3號，今次真特別，9點前講9～11內掛，9點話即將，突然0920改掛3號，點解唔跟番以前做法，早點講一個實質時間改掛呢？等打工仔多啲準備」、「唔系話唔俾你改3號，你提早講實一個時間，9點就9點，10點就10點，係要話9-11點令大家一直留意住」、「成日講時間範圍，講個實質時間真係咁難？9-11，講10點會改掛，差一兩個鐘會有好大影響？但你哋肯講實個時間，公司同市民返工放工預備時間都會充裕啲」等。

另有人批評為何在外面下起大雨時改掛3號風球，並指「都唔差得幾個鐘！咁大雨點要啲人點樣返工啊！全部人出晒來迫車」、「天氣咁差就轉咗3號」等。

立即下載｜全新《星島頭條》APP：https://bit.ly/3yLrgYZ