斥乘客欠15蚊車費「留返執藥」 的士司機無紙幣找續公審惹爭議
2022-08-26 14:03 
的士司機與乘客之間的爭執時有發生，一名網民在facebook「的士司機資訊網 Taxi」討論區上載影片，一名男子乘坐的士抵達荃灣西港鐵站外，的士司機索取車費64元。但男乘客繳付部分硬幣及紙幣之後，發現身上只有500元大鈔，的士司機無錢找續，於是男乘客就聲稱「差你15蚊啊」然後落車，結果停車等候不久後，就見到的士司機響號並粗言斥責乘客。
上載影片的網民指，一名青衣美景花園上車的後生仔，西鐵站入口有便利店可以找錢，但「你直接落西鐵站，果15元俾你執藥保下人格！」。
事件引發網民爭議，有人認同乘客無交足車資就是有錯，「$15都唔畀，衰客」、「師傅做得好，公開晒啲XXX衰嘢就最好㗎喇」、「XXX無信用」。
但也有人批評司機小事化大，又指是司機無法找續在先。有人指，「人哋唔係無錢畀，係你無錢找啫，唔趕時間都唔搭的士啦，落咗車都趕住走啦，可能人哋一時急唔記得啫，15蚊啫把X口咁X毒」、「如果500蚊都唔肯找！15蚊咪當買教訓囉！15蚊……買斤菜都無咗啦！」、「找小錢又唔講」、「人哋走數就斬人咁款，你啲行家唔找足錢俾人放上網就X番人轉頭，公又係你贏字又係你贏」。
帖文轉載自「的士司機資訊網 Taxi」
立即下載｜全新《星島頭條》APP：https://bit.ly/3yLrgYZ
最新回應