炎明熹視穿高踭鞋為試煉　工作底線係有危險就Say No

2022-08-27 19:00

炎明熹（Gigi）今日到尖沙咀出席「Mira Place Gimme LiVe 音樂節10周年」活動，着上5吋高踭鞋現身的Gigi指最高紀錄是穿7吋高的高踭鞋，又自爆曾試過2次堅持不除高踭鞋，然後站了超過5小時，到除鞋時就發現雙腳離地，感覺很奇怪，問她以後是否還敢這樣試，她想也不想說：「敢！這是一個試煉，不過可能100年後先慣。」問她寧願着高踭鞋還是作性感打扮？她指要看當日的活動以及公司安排，她說：「睇吓公司畀唔畀，公司有佢嘅原因，不過公司都要經屋企人同意先得。」又指暫時沒有堅持不做的事，因她也很喜歡挑戰，所以若不是勸告她不要做的情況下，她亦會做，問到是否有底線？她說：「如果有危險意識嘅嘢，嗰陣時我就可能會Say No。（同男仔拍Kiss戲得唔得？）Oh，呢個我諗係之後嘅事，因為我暫時想唱好每一首歌，因為呢個係我嘅初心。」

問她指現時的目標是否橫掃各大獎項？她說：「做到自己滿意為止，但係我都唔知幾時可以滿意。（有乜唔滿意？）其實有好多嘢我都未做得好，我唱歌都未唱得好，同咁多位前輩同埋老師一齊表演，學習嗰時就會覺得自己真係相差太遠，所以一定要做好佢先再去做其他嘢，唔想唔上唔落。」