陳曉東在港開騷有未知數心情忐忑 兩個囡囡北京返學未能陪伴左右

久未在港露面的陳曉東，今日到新城電台接受訪問。將於9月3日踏入47歲的東東，獲電台送上生日蛋糕，東東表示生日當日將會在工作中渡過，而願望則是希望將於10月底舉行的演唱會能順利舉行。已返港兩星期的東東，表示已排隊進行兩次核酸，而今次返港的目的，除了因10月底舉行的演唱會外，亦會灌錄廣東歌：「希望可以做返多啲廣東歌，而家會一首一首咁去做，希望10月22日喺西九龍舉行嘅戶外演唱會可以唱畀大家聽。」

東東指演唱會原定在9月舉行，不過因不同的原因延期，又坦言現在心情忐忑：「熟經驗但因為好多事都轉變，所以唔熟環境，好多嘢都好新鮮。」更指演唱會暫定舉行一場，若反應好的話就會考慮加場。

 

香港嘅歌迷真係好耐冇見喎。

 

獲電台方面送上蛋糕預祝生日。

 

已有3年沒回港的東東透露因開騷關係，故今次會在港逗留至10月底：「有太太陪我，至於兩個囡囡因要開學，所以留喺北京由我媽咪照顧，遲啲媽咪返香港，太太就飛返北京陪佢哋。」東東又指已有一段時間沒見過兩個囡囡：「之前去三亞做嘢去咗幾個月，有返咗去一次，兩個女都慣嘅，佢哋依家一個8歲一個7歲，係我唔慣，每次見佢哋都大個咗。」至於會否再生多個，東東就笑指老婆不太願意：「 之前返香港畀人影到話似有第三胎之後即刻發奮減肥，修咗身都唔想肥返。」

 

由於兩個囡囡要在北京返學，故未能一同來港。

 

不過好彩有老婆大人陪住（左二）。

 

立即下載 | 全新《星島頭條》APP : https://bit.ly/3yLrgYZ