Juicy叮｜港女着瑜伽褲出街成風 網民發文質疑「貼身到好似冇著」惹熱議

瑜伽褲方便又舒適，近年更愈來愈多人直接穿着上街，不過瑜伽褲貼身設計令下身線條明顯，一直引來不少爭議。近日就有網民於討論區發文，質疑女性着瑜伽衫褲「貼身到冇着咁樣」，引起網民熱烈討論。有不少網民認為無問題，反駁「我覺得係fashion，耐唔耐我都有咁著出街，膚淺嘅人先覺得有問題」，但亦有人批評「都幾核突」、「仲衰過着睡衣落街」、「影響市容」。

有網民近日於討論區發文，主題為「著住全套瑜珈衫行街」，指女性穿着瑜伽衫褲「貼身到冇著咁樣」，故詢問大家如何看待女性穿住全套瑜珈衫出街。帖文隨即引來網上激辯罵戰，有不少網民認同樓主所言，形容「不時見到『駱駝蹄』出現，都幾核突」，質疑「點解行街都要咁着？」、「影響市容」、「成個形出曬嚟佢都敢著出街，真係有勇氣」。

不過，有大批網民認為男女平等，最重要是自己喜愛，「我覺得係fashion，耐唔耐我都有咁著出街，膚淺嘅人先覺得有問題」、「有咩問題？都係有著」。

另外，有網民認為穿着瑜伽衫褲是美女專利，「美女咁穿無問題」、「身材好才會着出街」、「除非身材好好，若果唔係真的唔建議著瑜珈褲出街」、「身型靚嘅着乜都冇問題」、「肥嘅真係唔好出醜」。

立即下載｜全新《星島頭條》APP：https://bit.ly/3yLrgYZ