陳瀅自爆單身好耐極恨拍拖最鍾意被叫「淫瀅」:唔好唔嗌呀

2022-08-30 21:30

32歲的陳瀅（Jeannie）自入行以來緋聞多多，早前更因拍攝劇集《痞子殿下》與拍檔周嘉洛傳出緋聞，有指男方秘密到訪對方香閨。陳瀅昨日（29日）到商台接受《1圈圈》訪問時談到愛情觀，及被網民封為「淫瀅」的感受。

最新緋聞情侶。

問到入行到現在，最深刻的評語是甚麼，陳瀅即秒答「淫瀅」，她表示起初很討厭這個稱號，「我覺得做咩啫？開頭我就好討厭嘅，之前就叫我肥瀅，而家就變咗淫瀅。」阮兆祥就笑言做女主角最好是有不同的「型」，陳瀅即笑指：「陳瀅咪幾好囉，陳瀅咪幾型囉。」她笑指現在覺得「淫瀅」充滿親切感，「一開始有啲唔鍾意，而家接受咗，仲有啲親切感添，唔好唔嗌我淫瀅呀，我唔鍾意㗎！」

談到緋聞有沒有對她構成煩惱，陳瀅表示沒有，更笑言反而有助宣傳，她輕鬆表示：「你話我鍾唔鍾意緋聞就一定唔鍾意㗎嘞，但的而且確成日都有，咁都唔關我事㗎！佢哋鍾意咁寫我控制唔到，但你話我係咪鍾意，我唔鍾意，我嬲㗎！」

陳瀅話而家好鍾意俾人叫「淫瀅」，咁大家做嘢嘞。

阮兆祥提議陳瀅不如盡快搵男朋友，結束單身就不會再有緋聞，陳瀅就表示有想過閃婚去斬斷所有緋聞，她說：「唉，我有時都會諗不如我是但閃婚算啦，咁起碼唔使有緋聞。如果我閃婚咪唔使俾人講囉，我拍拖都可能有緋聞㗎！」

問到曾定下35歲前成家立室的目標，陳瀅再搞笑謂：「唉唔好提啦！」她表示現在持開放態度，坦言可用其他方法生小朋友，「我而家為咗唔畀自己呢個目標控制，我係Open Minded（開放）咗嘅，女仔唔好用一個年齡限制自己幾時生仔，其實有好多其他Option（選項）㗎，可以領養、代母、雪卵啦，呢幾方面我都Open Minded咗。」她更坦言自己都想要小朋友。