李若彤晒56歲結實老鼠仔 教你踢走含胸駝背提升氣質

有「最索小龍女」稱號的李若彤自2000年開始將工作重心移往內地，拍過啲咩唔太清楚，但久不久都會睇到佢上載運動短片，話晒50有6但有腰有Pat Pat有老鼠仔仲有鎖骨，全身冇半滴多餘嘅脂肪，佢拍片教你操Fit Body相當有說服力。

時間回帶至1995年的《神鵰俠侶》。

係呀，佢係李若彤。

佢都係李若彤。

最新一段片教大家點樣改善含胸駝背，睇佢點講，「有一件很重要的事，好像還沒有系統的說過：就是體態！體態！練好體態，氣質真的會加分，效果有時要比瘦來得更明顯！姑姑就和大家一起練習提升體態～入秋了，天氣轉涼的地方，大家可就没有偷懶的借口了哦。」

重要嘅嘢要一講再講，全片約10分鐘，當中不厭其煩表示背脊夠直，氣質就加十分，更強調做運動唔係剩係為咗瘦，仲可以提升氣質，「改善含胸駝背，我們的氣質體態一起練好，一定要做好熱身。」大家預備好未?一齊嚟踢走含胸駝背提升氣質嘞喂。

立即下載｜全新《星島頭條》APP：https://bit.ly/3yLrgYZ